ខេត្តកែប ប្រទេសកម្ពុជា _ នាព្រឹកថ្ងៃទី២៤ ខែមិថុនា ឆ្នាំ២០២៥ ក្រុមនិស្សិតផ្នែក អគ្គិសនី បានបង្ហាញសៀវភៅនិក្ខេបបទរបស់ខ្លួន តាមប្រព័ន្ធអនឡាញ ដែលបានប្រព្រឹត្តទៅដោយជោគជ័យ។
តាមរយៈការស្រាវជ្រាវ និងការសិក្សាជំនាញបច្ចេកទេស និស្សិតបានបង្ហាញពីចំណេះដឹង សមត្ថភាពក្នុងការដោះស្រាយបញ្ហា និងជំនាញដែលពួកគេបានអភិវឌ្ឍក្នុងអំឡុងពេលសិក្សា។
ការបង្ហាញរបស់ពួកគេមិនត្រឹមតែឆ្លុះបញ្ចាំងពីសមិទ្ធផលផ្នែកសិក្សាប៉ុណ្ណោះទេ ប៉ុន្តែក៏បង្ហាញពីការត្រៀមខ្លួនរួចជាស្រេចក្នុងការប្រឈមមុខនឹងបញ្ហាប្រឈមវិជ្ជាជីវៈនាពេលអនាគតផងដែរ។
ការប្រើប្រាស់ប្រព័ន្ធអនឡាញសម្រាប់ការបង្ហាញសៀវភៅនិក្ខេបបទ របស់សាលាបច្ចេកទេសដុនបូស្កូ ខេត្តកែប ដើម្បីលើកកម្ពស់ការអប់រំបែបឌីជីថល និងនិរន្តរភាពបរិស្ថាន ដោយកាត់បន្ថយការប្រើប្រាស់ឯកសារបោះពុម្ព និងជំរុញការប្រើប្រាស់ធនធានប្រកបដោយការទទួលខុសត្រូវ។
សូមអបអរសាទរដល់ ក្រុមនិស្សិតផ្នែក អគ្គិសនី ទាំងអស់ ចំពោះការខិតខំប្រឹងប្រែង ការប្តេជ្ញាចិត្ត និងការបង្ហាញដ៏ល្អរបស់ពួកគេ។ យើងមានមោទនភាពចំពោះសមិទ្ធផលរបស់ប្អូនៗទាំងអស់គ្នា និងសូមជូនពរឱ្យប្អូនៗបន្តទទួលបានភាពជោគជ័យក្នុងដំណាក់កាលបន្តបន្ទាប់ទៀត។
