សាលាបច្ចេកទេស ដុនបូស្កូ ខេត្តកែប ប្រារព្ធកម្មវិធីចែកប័ណ្ណសរសើរ 
នៅថ្ងៃសុក្រ ១៤កើត ខែស្រាពណ៍ ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី ០៨ ខែសីហា ឆ្នាំ ២០២៥ សាលាបច្ចេកទេស ដុនបូស្កូ ខេត្តកែប បានរៀបចំកម្មវិធីចែកប័ណ្ណសរសើរ ដល់និស្សិតដែលទទួលបានជ័យលាភីចាប់ពីលេខ ១ ដល់លេខ ៥ និងសិស្សគំរូដែលបានបង្ហាញពីការយកចិត្តទុកដាក់ក្នុងការសិក្សា និងការងារ។
កម្មវិធីនេះមានគោលបំណងជម្រុញនិស្សិតឲ្យខិតខំប្រឹងប្រែង ធ្វើការងារយ៉ាងស្មោះត្រង់ និងបន្តការសិក្សាដោយមានទិសដៅច្បាស់លាស់។ វាជាឱកាសដ៏ពិសេសសម្រាប់សិស្សនិស្សិតក្នុងការទទួលស្គាល់ពីសាលា និងជំរុញស្មារតីឲ្យបន្តសម្របសម្រួលជាមួយគ្នា។
សូមអបអរសាទរដល់និស្សិតទាំងអស់ដែលទទួលបានសរសើរ និងជ័យលាភីក្នុងកម្មវិធីនេះ! អ្នកគឺជាគំរូដ៏ល្អសម្រាប់មិត្តរួមសាលា និងសង្គមទាំងមូល។
