ខេត្តកែប ប្រទេសកម្ពុជា _ នាថ្ងៃទី១៤ ខែសីហា ឆ្នាំ២០២៦ អបអរសាទរចំពោះ លោកគ្រូ អ្នកគ្រូ ដែលបានបញ្ចប់វគ្គសិក្សា «បណ្តុះបណ្តាលប្រឹក្សាយោបល់ផ្លូវចិត្តនៅសាលារៀន» ដោយជោគជ័យ វគ្គបណ្តុះបណ្តាលនេះ គឺជាឱកាសដ៏មានតម្លៃក្នុងការពង្រឹងចំណេះដឹង និងជំនាញរបស់លោកគ្រូ អ្នកគ្រូ ក្នុងការផ្តល់ការគាំទ្រ ការណែនាំ និងប្រឹក្សាយោបល់ផ្លូវចិត្តដល់សិស្សានុសិស្ស ដើម្បីរួមចំណែកបង្កើតបរិយាកាសសិក្សាប្រកបដោយសុវត្ថិភាព ក្តីយោគយល់ និងការយកចិត្តទុកដាក់។
ការបណ្តុះបណ្តាលប្រឹក្សាយោបល់ផ្លូវចិត្ត គឺជាគន្លងដ៏សំខាន់ក្នុងការកសាងសិស្សឲ្យមានភាពរឹងមាំផ្លូវចិត្ត ការទប់ស្កាត់ស្ត្រេស ការពារការធ្លាក់ទឹកចិត្ត ដែលជាជំហានដ៏សំខាន់ក្នុងការកសាងសិស្សឲ្យមានសុខភាពផ្លូវចិត្តល្អ និងជីវិតសិក្សាដែលមានន័យ។
