អបអរសាទរ! ពិធីអាហារពេលល្ងាច បងប្រុសសុរិយា ឆ្នាំសិក្សា ២០២៥
នៅថ្ងៃអង្គារ ៣រោច ខែស្រាពណ៍ ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី១២ ខែសីហា ឆ្នាំ២០២៥ សាលាបច្ចេកទេស និងមូលនិធិកុមារដុនបូស្កូ ខេត្តកែប បានរៀបចំកម្មវិធីអាហារពេលល្ងាចបងប្រុសសុរិយា ដ៏ពិសេសមួយ ដើម្បីអបអរសាទរការបញ្ចប់ឆ្នាំសិក្សា ២០២៥ នៃក្រុមបងប្រុសសុរិយា។
កម្មវិធីនេះជាឱកាសដ៏មានអត្ថន័យសម្រាប់សិស្ស បងប្រុស និងគ្រូបង្រៀនក្នុងការចងចាំអនុស្សាវរីយ៍ល្អៗ ការរីកចម្រើនផ្លូវចិត្ត និងការអភិវឌ្ឍផ្លូវជីវិតរបស់ក្រុមបងប្រុសសុរិយា។ ពិធីនេះពោរពេញដោយស្នាមញញឹម ការចែករំលែកអារម្មណ៍ និងការថ្លែងអំណរគុណចំពោះគ្រូបង្រៀន និងមិត្តរួមថ្នាក់។
សូមអបអរសាទរ និងជូនពរឱ្យបងប្រុសសុរិយាទាំងអស់ បន្តជោគជ័យក្នុងជីវិត និងការសិក្សាដំណាក់កាលបន្ទាប់!
