ខេត្តកែប ប្រទេសកម្ពុជា _ សាលាបច្ចេកទេស ដុនបូស្កូ ខេត្តកែប នៅថ្ងៃទី០៣ ខែមិថុនា ឆ្នាំ២០២៦ បានចុះផ្សព្វផ្សាយអំពីឱកាសចូលរៀនជំនាញ ឆ្នាំសិក្សា ២០២៦-២០២៧ នៅសាលាវិទ្យាល័យព្រះបិតាជាតិ ខេត្តកំពត។
ការចុះផ្សព្វផ្សាយបានផ្តល់ការអនុញ្ញាតពី លោក អ៊ុង សុភាព នាយកសាលា ដែលមានបំណងផ្តល់ព័ត៌មាន និងជម្រើសអប់រំជំនាញដល់សិស្ស។
សម្រាប់ ឆ្នាំសិក្សា ២០២៦នេះ វិទ្យាល័យព្រះបិតាជាតិ មានសិស្សកំពុងសិក្សាសរុប: ១៣៦៣នាក់ (ស្រី:៦៥៦នាក់)។ ក្នុងនោះដែរសិស្សដែលកំពុង រៀនថ្នាក់ ទី១២ មានចំនួន ៣១២នាក់ (ស្រី:១៤៩នាក់)។
ការចុះផ្សព្វផ្សាយនេះមានគោលបំណងជំរុញឱ្យសិស្សមានការយល់ដឹងច្បាស់អំពីជម្រើសអប់រំជំនាញ បើកផ្លូវឱ្យពួកគេមានអនាគតការងារដែលមានស្ថេរភាព និងបំពេញតាមតម្រូវការទីផ្សារការងារ។
សាលាបច្ចេកទេស ដុនបូស្កូ ខេត្តកែប តែងតែឈរជាដៃគូអប់រំសម្រាប់យុវជនកម្ពុជា ដើម្បីបង្កើតជំនាញ និងអនាគតរុងរឿង។
